Helga Þórunn Arnardóttir

ADHD
Helga Þórunn hefur mikla reynslu í vinnu með foreldrum og börnum með ADHD, börnum með frávik í þroska sem og hegðunar og tilfinningavanda.

Hegðun og líðan barna í skóla
Helga Þórunn hefur einnig unnið mikið í þverfaglegu samstarfi í skólaþjónustu vegna vandamála tengdum skólasókn sem og hegðunar og líðunar barna í skóla. Hún starfaði sem unglingaráðgjafi og hefur mikla reynslu af störfum með börnum og unglingum. Hún hefur sinnt uppeldisráðgjöf og haldið námskeiðið „Uppeldi sem virkar – færni til framtíðar“ bæði fyrir foreldra og starfsfólk leikskóla.
​
Meðferð barna með frávik í þroska, hegðun og líðan
Helga Þórunn hefur jafnframt sótt fjölda fyrirlestra, ráðstefnur og námskeið sem varða greiningu og meðferð barna með frávik í þroska, hegðun og líðan. Varðandi samskipti og tengsl innan fjölskyldna, hjónabandsráðgjöf, tölvunotkun barna, átraskanir og fleira.
​
Menntun
Helga Þórunn útskrifaðist sem löggiltur félagsráðgjafi frá Háskóla Íslands árið 2002.

Helga Þórunn útskrifaðist með sérfræðimenntun sem fjölskyldumeðferðarfræðingur í júní 2016. Hún býður upp á ráðgjöf, stuðning og/eða meðferð. Hún sinnir einstaklingsmálum, barna- og unglingamálum, hjóna/para ráðgjöf og fjölskyldumeðferð.

Helga Þórunn útskrifaðist sem alþjóðlegur kundalini jógakennari (jóga vitundar) árið 2013 og þekkir vel kosti hugleiðslu og aðferðir núvitundar (mindfulness).

Störf
2016 - Sjálfstætt starfandi félagsráðgjafi og fjölskyldufræðingur hjá Domus Mentis Geðheilsustöð.
2016 - Þjónustumiðstöð Vesturbæjar, Miðborgar og Hlíða.
2002-2007 í könnunar- og meðferðarteymi Barnaverndar Reykjavíkur.
2007- 2016 Þjónustumiðstöð Vesturbæjar.